वाल्मिक कराडची आता सुटका नाही! चेल्याचे अखेर तोंड उघडलं, CID च्या हातात मोठा पुरावा!

बीड : संतोष देशमुख हत्या प्रकरणाच्या तपासाला आता वेग आला आहे. वाल्मिक कराडसह ९ आरोपी हे तुरुंगात आहे. तर अवादा कंपनी खंडणी प्रकरणी प्रमुख आरोपी सुदर्शन घुले याचा खंडणी प्रकरणात सहभाग असल्याचं आता निष्पन्न झालं आहे.

त्यामुळे कराडसह इतर आरोपींच्या पाय आणखी खोलात गेला आहे.

अवादा कंपनीला २ कोटी रुपयांच्या खंडणी प्रकरणात सीआयडीने सुदर्शन घुलेला ताब्यात घेतल्यानंतर तीन दिवस कसून चौकशी करण्यात आली. यात सुदर्शन घुले याच्या आवाजाचे नमुने घेण्यात आले असून ते तपासणीसाठी फॉरेन्सिक लॅब ला पाठवण्यात आले आहेत. खंडणी प्रकरणात सुदर्शन घुलेचा सहभाग आढळून आल्याचं चौकशीत निष्पन्न झालं आहे.

विशेष म्हणजे वाल्मिक कराड याच्या सांगण्यावरून ही खंडणी मागितल्याच्या संदर्भात देखील काही महत्वाचे पुरावे सीआयडीच्या हाती लागल्याची शक्याता वर्तवली जात आहे.. यासंदर्भात सीआयडीने अधिकृत सांगितले नसले तरी सूत्रांनी दूजोरा दिला आहे. हत्या प्रकरणात आरोपी असलेल्या सुदर्शन घुलेची तीन दिवसाची सीआयडी कोठडी ही अत्यंत महत्त्वाची ठरली आहे. याच तपासातून खंडणी प्रकरणाचे सत्य समोर येणार का पाहणं महत्वाचं असेल.

चौकशीचे ३ दिवस ठरले गेमचेंजर

सुदर्शन घुलेची तीन दिवस सीआयडीने कसून चौकशी केली

- आवाजाचे नमुनेही घेतले.

- वाल्मीक कराडच्या सांगण्यावरून खंडणी मागितली का? याचीही चौकशी

- खंडणी कुठे कशी आणि किती मागितली.. याबाबतीतही विचारणा

- यात आणखी कोणाचा सहभाग आहे का याचीही चौकशी

- तर अवादा कंपनीकडे खंडणी मागतानाचा घटनाक्रम याचीही पडताळणी

- अशा प्रमुख मुद्द्यावर सुदर्शन होण्याची चौकशी